Tre persona janë nën hetim të Himarë dhe Borsh, ndërsa janë sekuestruar çadra dhe shezlongë të vendosura pa leje në plazhe publike.
Kjo është faza e dytë e operacionit ku janë sekuestruar në total 38 çadra dhe 66 shezlongë, që ishin vendosur në mënyrë të paligjshme në Borsh dhe në vendin e quajtur “Maraç”, Himarë.
Tre personat, njëri i kapur në Bordh dhe dy në Himarë, janë në procedim në gjendje të lirë pasi përveç se kishin zënë hapësirën publike, por edhe fshihnin të ardhurat e përfituara nga kjo veprimtari.
Konkretisht:
– A. M., banues në Himarë dhe E. T., banues në Tiranë, pasi duke vendosur në mënyrë të paligjshme 20 çadra dhe 30 shezlongë, në vendin e quajtur “Maraç”, Himarë;
– A. Z., 52 vjeç banues në Borsh, Himarë, pasi kishte vendosur në mënyrë të paligjshme 18 çadra dhe 36 shezlongë, në plazhin e Borshit.
Sipas policisë materialet proçedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprat penale “Pushtimi i tokës”, “Mospagimi i taksave dhe i tatimeve” dhe “Ushtrimi i aktivitetit tregtar i paregjistruar”.
Operacioni “Plazh i lirë” vijon.
Top Channel
