Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Pesë ushtarë janë plagosur rëndë dhe katër kanë humbur jetën pasi sulmues me armë e granata mësynë një bazë ushtarake në jug të Pakistanit, njoftonin autoritetet duke shtuar se të paktën tre nga sulmuesit u vranë në shkëmbimin e zjarrit.
Operacioni ushtarak vijonte në ndjekje të dy sulmuesve të tjerë që u larguan në incidentin e pashpjeguar.
Sulmi ndaj bazës së Balochistan ndodhi mëngjesin e sotëm, tha ushtria, teksa shtonte se beteja e armatosur e nisur me lëshim garantash vijoi për disa orë.
“Tentativa fillestare e terroristëve për të hyrë në impjant u ndalua nga ushtarët në detyrë. Gjatë shkëmbimit të zjarrit që pasoi terroristët u izoluan në një zonë të vogël, ndërsa operacioni vazhdon për kapjen e dy sulmuesve të mbetur”, thuhej në deklaratën e ushtrisë.
Një grup i quajtur Tehreek-e-Jihad Pakistan (TJP) raportohet se mori përgjegjësinë për sulmin, duke publikuar pamje dhe foto nga luftëtarët e tyre.
Provinca e pasur me minerale në kufi me Afganistanin e Iranin përballet prej vitesh nga kryengritje militantësh me motive të paqarta territoriale apo separatiste, të cilat shfrytëzohen nga fuqi më të mëdha në rajon.
Shumica e dhunës konsiderohet si hakmarrje ndaj planeve për investime nga Kina në rajon, shkruan Al Jazeera, prej planeve për lidhjen e provincës së Xinxhiang me detin Arabik dhe Balochistan-in me një rrjet rrugësh e hekurudhash.
Sulmet kanë qenë të shpeshta gjithashtu ndaj zyrtarëve të lidhur me planin dhjetra miliardësh të Kinës për investime në rajon.
Një tjetër grup i akuzuar për sulme është Tehreek-e-Taliban Pakistan ashtu dhe elementë të ISIS. Islamabadi thotë se sulmet e kanë origjinën nga Afganistani, por Kabuli e mohon.
Top Channel
