LIVE ANGLI-SLLOVAKI/ Shkelmohet topi i parë në Gelsenkirshen, skuadrat duan çerekfinalen 30/06 18:00
Kryeministri Edi Rama ka mbërritur në LITEXPO, Qendra e Ekspozitave dhe Kongreseve Lituaneze, në samitin e NATO-s.
Udhëheqësit e shteteve anëtare të Organizatës së Traktatit të Atlantikut Verior (NATO) do të takohen në Vilnius të Lituanisë sot dhe nesër.
Rama tha se Samiti në Vilnius i gjen aleatët më të fortë dhe më të vendosur për ruajtjen e paqes.
“Dhe me mesazhin e këtij viti të Samitit të Vilnius, Lituani që i gjen aleatët e NATO-s më të fortë e më të vendosur, për të mbrojtur lirinë dhe sigurinë e popujve tanë, ju uroj një ditë të mbarë”, shkroi Rama.
Ky samit mund të jetë një samit vendimtar që mund të formësojë drejtimin e luftës në Ukrainë dhe të ardhmen e aleancës perëndimore.
31 aleatët shpresojnë t’i tregojnë Rusisë se kanë vendosmërinë për të mbështetur ushtarakisht Ukrainën për një afat të gjatë.
Turqia gjithashtu hoqi kundërshtimet e saj ndaj anëtarësimit të Suedisë në aleancë. Pas saj edhe Hungaria dha dritën jeshile. Lajmi u mirëprit nga SHBA dhe Gjermania, si dhe vetë Suedia.
Në samit nuk pritet të diskutohet fare për Kosovën, pavarësisht rritjes së tensioneve në veriun e vendit të banuar me shumicë serbe.
Sekretari i përgjithshëm i NATO-s, Jens Stoltenberg, ka thënë se është i gatshëm të takohet me presidentin e Serbisë, Aleksandar Vuçiq, teksa bëri thirrje për shtensionim të situatës në veri të Kosovës.
Top Channel
LIVE ANGLI-SLLOVAKI/ Shkelmohet topi i parë në Gelsenkirshen, skuadrat duan çerekfinalen 
