Prokurorët sfidojnë Trump-in! Kundërshtojnë anulimin e dënimit të presidentit për “paratë e heshtjes” 19/11 22:49
Janë pezulluar të gjitha aktivitetet eksploruese pas fundosjes së Titanit muajin e kaluar, që rezultoi në humbjen e jetës së pesë personave në fund të Atlantikut, duke përfshirë edhe CEO të kompanisë, njoftoi OceanGate.
“OceanGate ka pezulluar të gjitha aktivitetet eksploruese dhe tregtare,” thotë kompania në krye të faqes së saj zyrtare të internetit.
Megjithatë, faqja ka ende përshkrime dhe oferta për misionet që ndërmerr, duke përfshirë turneun e mbytjes së Titanikut.
Një operator Titan humbi kontrollin e nëndetëses përpara se të rrotullohej 360 gradë në një mision të mëparshëm, ndërsa pasagjerët e tmerruar prisnin ndihmë.
Në veçanti, sipas Daily Mail, pasagjerët ishin 300 metra nga rrënojat e Titanikut gjatë një misioni vitin e kaluar kur operatori Scott Griffith tha “ne kemi një problem” në një thellësi prej rreth 3800 metra nën sipërfaqen e detit.
Pamjet nga brenda nëndetëses, të filmuara si pjesë e një dokumentari të BBC-së të vitit 2022 , tregojnë ankthin e ekuipazhit teksa dëgjojnë Griffith-in t’u thotë se diçka nuk shkonte me shtytësit e Titanit . Dështimi bëri që nëndetësja të rrotullohej në mënyrë të pakontrolluar dhe nuk mund të lëvizte as përpara as prapa.
Në një intervistë pas misionit, pasagjerja meksikane Reneta Rojas tha për BBC: “E dini çfarë po mendoja, ne nuk do t’ia dalim. Ne ishim fjalë për fjalë 300 metra larg Titanikut dhe megjithëse ishim tashmë në fushën e rrënojave, nuk kishte ku të shkonim veçse në rrathë”.
Dokumentari tregon shefin ekzekutiv të OceanGate, Stockton Rush, i cili u zhduk në Titan së bashku me katër të tjerë muajin e kaluar pasi pësoi një “shtrëngim katastrofik”, duke u përpjekur të ndihmonte ekuipazhin e nëndetëses nga anija mëmë. Menjëherë pas kësaj, ai gjeti një mënyrë për të riprogramuar kontrollin, duke lejuar ekuipazhin të merrte një psherëtimë lehtësimi ndërsa Titani filloi të lëvizte drejt Titanikut.
Top Channel
