Krahëbardha “nxin” fermerët! Insekti po shkakton dëme të mëdha, problem edhe çmimi që ofrohet nga grumbulluesit
17/11 13:22
Për herë të parë në historinë e tregut shqiptar të kapitaleve, një kompani private emeton obligacione nëpërmjet ofertës publike.
Thënë ndryshe, i ofron publikut të gjerë nënshkrimin e titujve të saj të borxhit. Ky zhvillim i rëndësishëm do të thotë se në bursën shqiptare Alse nuk do të tregtohen më vetëm letrat me vlerë të qeverisë, por edhe instrumentet korporatë, si ai i emetuar nga kompania e mikrofinancës NOA.
Në ceremoninë e lançimit të këtij zhvillimi të rëndësishëm për tregun e kapitaleve, që i hap rrugën edhe listimit të kompanive të tjera në bursë, ishin të pranishëm ministrja e Financave, Delina Ibrahimaj; guvernatori i bankës së Shqipërisë, Gent Sejko; Drejtori i Përgjithshëm i Autoritetit të Mbikëqyrjes Financiare, Ervin Mete, anëtarë të komisionit parlamentar të ekonomisë; disa prej sipërmarrësve më të mëdhenj në vend etj. Në fjalët përshëndetëse, ata vlerësuan rëndësinë që ka për sistemin financiar, biznesin dhe ekonominë në tërësi zhvillimi i tregut të kapitaleve.
“Bursa Shqiptare e Titujve është themeluar në vitin 2017 nga 3 aksionarët e saj: Banka Credins, Banka Amerikane e Investimeve dhe AK-Invest. Aktiviteti i saj u lançua zyrtarisht në shkurt të vitit 2018. Në Bursë kanë qenë të listuar vetëm titujt qeveritarë, deri me emetimin e instrumentit të parë koorporativ nga NOA, një hap që pritet të hidhet edhe nga kompani të tjera..”– tha Nada Vokshi, Drejtore e Pergjithshme e Bursës ALSE
Top Channel
