“Nuk kemi interes të mbyllim kufijtë”/ Trump dhe presidentja meksikane bisedojnë për emigracionin e paligjshëm 28/11 08:31
Forcat ruse kanë filluar të largohen nga centrali bërthamor i Zaporizhzhia, sipas Departamentit Kryesor të Inteligjencës të Ukrainës për Ministrinë e Mbrojtjes.
Trupat e Moskës e kanë pushtuar objektin që nga marsi i vitit të kaluar dhe Ukraina ka kryer së fundmi stërvitje për reagim ndaj katastrofave bërthamore në pritje të një sulmi të mundshëm.
Janë ngritur shqetësime për sigurinë e uzinës gjatë gjithë luftës, me të dyja palët që fajësojnë njëra-tjetrën për sulmet në ndërtesën e saj.
Një numër punëtorësh janë udhëzuar të largohen nga uzina deri më 5 korrik, tha drejtoria kryesore e inteligjencës së Kievit në një postim në Telegram .
“Sipas të dhënave më të fundit, kontingjenti i pushtimit po largohet gradualisht nga territori i centralit bërthamor të Zaporizhzhias. Një nga të parët që u larguan nga centrali ishin tre punonjës të Rosatom, të cilët ishin përgjegjës për veprimet e rusëve. Punonjësit ukrainas që nënshkruan një kontratë me Rosatom u këshilluan gjithashtu të evakuohen. Sipas udhëzimeve të marra, ata duhet të largohen deri më 5 korrik.”
Ai theksoi gjithashtu se numri i patrullave ushtarake po “zvogëlohet gradualisht” rreth uzinës.
Top Channel
