“S’ka shtim kushtesh nga BE”, Rama flet për TCH: Pakt me Berishën? Sa më shumë bashkëpunoj, aq më shumë thellohet diferenca mes PS dhe të ashtuquajturës opozitë 26/05 19:35
Gert Mehmetaj, Marjo Hazizaj dhe Artur Skënderaj janë tre të rinj nga Cakrani i Fierit që merren me rritjen e bletëve.
Ata e kanë nisur këtë profesion në kohë të ndryshme, ndërsa më i vogli mes tyre, 23-vjeçari Marjo Hazizaj tregon se gjithçka nisi pasi u kthye nga emigracioni. Fillimisht ai e nisi me pesë koshere me bletë e më pas i shtoi ato.
“Nuk përshtateshim dot me emigracionin e na dukej e vështirë. Erdhëm këtu, na pëlqen puna me bletët jemi stabilizuar dhe më pëlqen që të punoj me bletë. Kemi 200-300 koshere.”- tha Marjo Hazizaj – bletërritës.
Në ndryshim nga Marjo, Arturi është i ri në këtë profesion. Ai sapo ka nisur të punojë me bletët dhe pretendon që në vitet në vijim të shtojë numrin e koshereve.
“Dëshira ka qenë e hershme por edhe unë tani kam filluar se kam qenë në emigracion. Vendosa të rri në vendin tim. Përkrahja është gjëja kryesore me investime apo ilaçet e ndryshme që na duhen”- tha Artur Skënderaj – bletërritës.
Fitimet më të mëdha për ta janë jo vetëm nga mjalti por dhe shitja e qumështit të bletës. Produkt ky shumë i kërkuar në treg.
“Po merremi me shartimin e qumështit të bletës. Ky proces fillon nga fundi i prillit deri në fillim të korrikut dhe kjo periudhë është shumë e favorshme”– tha Gert Mehmetaj – bletërritës.
Për këta djem që jetën e tyre ia kanë kushtuar rritjes së bletëve, ndihmat me subvencione nga ana e shtetit duhet të jenë më të mëdha. Ata i bëjnë apel autoriteteve që t’i informojnë për çdo dezinfektim që bëhet në zonë me qëllim që të mos dëmtohen bletët.
Top Channel
