![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Detaje të reja nga të shtënat në Tropojë, ku një konflikt për motive të dobëta degradoi në përplasje me armë zjarri.
Përmes një njoftimi zyrtar, Policia e Shtetit njofton se “rreth orës 20:10, në Bajram Curri, në oborrin e një lokali, dyshohet se pas një konflikti për motive të dobëta, shtetasi B. S., 49 vjeç, ka plagosur me armë zjarri pistoletë, në këmbë, shtetasin A. B., 28-vjeç.”
Si pasojë e të shtënave, është plagosur në këmbë edhe një kalimtar i rastit. 32-vjeçari me inicialet G. B., ndodhet jashtë rrezikut për jetën.
Policia ka identifikuar dhe shpallur në kërkim autorin e dyshuar, është bërë rrethimi i zonës, si dhe vijojnë kontrollet në zonë dhe në ambiente të ndryshme, për të bërë të mundur kapjen e tij.
Grupi hetimor ndodhet në vendngjarje dhe ka sekuestruar kamerat e sigurisë dhe çdo provë tjetër që do t’i shërbejë dokumentimit të plotë të ngjarjes. Vijon puna për zbardhjen e plotë të rrethanave të konfliktit.
Top Channel