“Nuk e di a ka grup më të ekuilibruar se ky”/ Sylvinho për “DigitAlb” pas ndeshjes me Çekinë: Me Ukrainën e vështirë, por… 16/11 23:37
Etrit Berisha më në fund pritet që të largohet nga Torino. Gardiani nga Prishtina nuk luan prej më shumë se 1 viti në Itali, teksa ndeshjen e fundit e ka regjistruar në 20 maj të vitit të shkuar.
Që nga ajo datë, ai ka luajtur vetëm 4 ndeshje me kombëtaren e Shqipërisë dhe një miqësore verën e shkuar me Torinon.
Problemet që ka patur me trajnerin Ivan Juriç kanë bërë që ai të mos angazhohet në asnjë ndeshje këtë edicion, diçka që e ka penalizuar jo pak, pasi për një periudhë të konsiderueshme ai u detyrua që të stërvitej i diferencuar. Mediat raportojnë se vuajtja e Berishës do të marrë fund, pasi në horizont është një aventurë e re.
Berisha pritet që të transferohet në Turqi, tek skuadra e Fatih Karagumruk. Sezonin e shkuar, kjo skuadër u drejtua nga Andrea Pirlo, i cili u largua për rezultatet larg pritshmërive. 34-vjeçari me gjasa do të zhvendoset në elitën e futbollit turk, ku natyrisht kërkon që të rikthehet në fushën e lojës si protagonist.
Pritet që shumë shpejt, Berisha të prezantohet tek skuadra e re. Gardiani do të largohet nga Italia pas plot 10 vitesh, teksa në një dekadë në Gadishullin e Apenineve, ai ka luajtur me Torinon, Spallin, Atalantën dhe Lazion. Turqia do të jetë vendi i tretë që viziton, teksa më parë ka luajtur dhe në Suedi me Kalmarin. /Supersport
Top Channel
