![](https://top-channel.tv/wp-content/uploads/2024/07/ramaa_sd-1-800x450.jpg)
Vetëm pak ditë më parë në një intervistë për “Wake Up” në Top Channel, ishte regjisori dhe skenaristi i filmit “Në kuadër të dashurisë”, Koloreto Cukali.
E së bashku me të, u intervistua edhe një nga aktorët e kastit, Roerd Toçe.
E ashtu siç dhe e keni mësuar tashmë, Roerdi është një nga aktorët e këtij filmi, që mesa kuptuam nga intervista e tij, sjell me vete një sërë surprizash. Ndër të tjera ai u shpreh dhe shumë i emocionuar dhe i privilegjuar që është duke punuar me një kast të tillë, që po zbulohen dita-ditës.
Roerd Toçe ka lindur më 25 Tetor të vitit 1994 në Tiranë. Ai është diplmuar në Universitetin e Arteve. Aktori është një figure mjaft e njohur e ekranit, sidomos me paraqitjen e tij në serialin “Snob” të vitit 2021. Me personazhin e Gentit, ai i mbajti të mbërthyer shikuesit, të cilët në fillim mendonin se ai ishte i vdekur. Në fund të sezonit të parë, ai shfaqet i gjallë dhe me shumë mundësi do të jetë personazhi kryesor i sezonit të dytë të serialit. Përveç kësaj paraqitje, ai ka qenë pjesë edhe e shumë reklamave televizive, ku mund të përmendim këtu kompaninë Vodafone.
Përveç seriale, ai ka marrë pjesë edhe në disa filma si: “Mbjellja e Pemëve” (2021), “Erik” (2022). Përveç kinematografisë, Roerd Toçe është pjesë edhe e Teatrit Metropol. Disa shfaqje, të cilat ai i ka luajtur me mjaft profesionalizëm janë: “Sherlock Holmes”, “Ditari i Anne Frank”, “Letra”, “The Merchant of Venice”, “F.L.I”.
Top Channel