Atentat ndaj 37-vjeçarit në Prizren, autori e qëlloi në lëvizje dhe u arratis 18/05 08:47
Gjykata e lartë në Kraleve të Serbisë ka vendosë masën e sigurisë prej një muaji paraburgim për tre policët e Kosovës, që rrëmbeu policia speciale Serbe më 14 qershor.
Ata dyshohen për prodhim, posedim, mbajtje dhe trafikim i paautorizuar i armëve dhe mjeteve plasëse sipas Kodit Penal të Serbisë.
Lirimin e tyre të menjëhershëm e ka kërkuar kryeministri i Kosovës, Albin Kurti.
“Së pari kemi nevojë që të kthehen policët, por në të njëjtën kohë kemi nevojë që ndërkombëtarët të dënojnë agresionin e Serbisë ndaj Kosovës”.
Ndërkohë, në Mitrovicë të Veriut kanë protestuar qytetarët serbë.
Ata kanë marshuar nga sheshi Car Lazar e deri të shkolla teknike në këtë qytet, duke kërkuar lirimin e të dyshuarit për sulm ndaj KFOR-it, Milune Milenkoviç.
Në Leposaviq, ministri i Pushtetit Lokal, Elbert Krasniqi vizitoi kryetarin Lulzim Hetemi. Vetura e tij zyrtare u gjuajt me ngjyrë e më pas u sulmua nga protestuesit.
Ata ishin mbledhur në kundërshtim të vizitës së tij duke e parë si provokim. Madje, kanë sulmuar edhe gazetarët shqiptarë që po raportonin në afërsi.
Mëngjesin e hershëm të së premtes, stacionet e Policisë së Kosovës në veri janë sulmuar nga persona të maskuar.
Dy shok bomba janë hedhur brenda rrethojës së stacionit policor Mitrovicë e Veriut dhe në Zveçan janë hedhur dy shok bomba nga një automjet, i cili ishte në lëvizje dhe është larguar menjëherë nga vendi. Brenda kësaj kohe janë sulmuar edhe dy vetura të policisë.
Top Channel
