VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Klubi i Tottenham synon të nisë një cikël të ri në sezonin e ardhshëm me Spursat që i kanë besuar projektin trajnerit Ange Postecoglou.
Ky i fundit ka nisur menjëherë nga kërkesat në merkato, teksa preferon të ketë në organikë dyshen e Leicester, Harvey Barnes dhe James Maddison. Pas rënies një kategori më poshtë, dy nga lojtarët më të spikatur të “Dhelprave” vështirë se do të qëndrojnë në Championship teksa kanë oferta nga klubet elitare të Premier League.
Në këtë formë, edhe Tottenham ka bërë përpjekjen për të nënshkruar dy futbollistët teksa londinezët kanë paraqitur një ofertë fillestare që shkon në shifrën e 50 milionë paundëve. Por, kjo ofertë është refuzuar nga Leicester që pretendon më shumë për Maddison dhe Barnes.
Situata për Maddison është pak më e komplikuar duke qenë se futbollisti është në vitin e fundit të kontratës dhe Leicester nuk mund ta humbasë me parametër zero ndërsa fantazisti që është edhe pjesë e kombëtares së Anglisë, kërkohet nga Neëcastle që ndryshe nga Tottenham, i ofron mundësinë për të luajtur në Champions League.
Kujtojmë se vetëm një vit më parë, Leicester kërkonte të paktën 60 milionë paund për Maddison dhe për Barnes, por tashmë situata është krejtësisht e ndryshme dhe “Dhelprat” duhet të kënaqen me pak.
Top Channel
