Në Itali janë të sigurt, trajneri që surprizoi në Europian do të marrë drejtimin e Romës 12/11 14:43
Në stadiumin “De Kuip” të Roterdamit, Holanda humbi nga Kroacia (2-4), mbrëmjen e kësaj të mërkure, në gjysmëfinalen e parë të Nations League 2022-2023.
Nëse ‘portokallinjtë’ e hapën rezultatin nga Donyell Malen (34’), ata u rrëzuan në pjesën e dytë nga kroatët, të cilët shënuan nga Andrej Kramaric me penallti (55’) dhe Mario Pasalic (72’) por kur dukej se gjithçka do të mbyllej aty, në minutën e 6-të shtesë tulipanët barazuan me Noa Lang duke çuar gjithçka në kohën shtesë për të vendosur fituesin.
Megjithatë epërsia e ballkanasve dukej qartë edhe në lojë pavarësisht barazimit të përkohshmë dhe koht shtesë e konfirmuan këtë gjë.
Në minutën e 98-të, ose në të 8-n e shtesës së parë Bruno Petkovic rikthen sërish në avantazh skuadrën e Zlatko Daliçit, ndërkohë që Luka Modriç vulosi përfundimisht kualifikimin për në finale të skuadrës së tij duke shuar shpresat e tulipanëve. Tashmë Kroacia do të presë për të mësuar kundërshtarin e saj të finales të së dielës mes Spanjës dhe Italisë që është gjysmëfinalja e dytë e cila zhvillohet mbrëmjen e sotme.
Të dy ekipet luajnë për fitore, duke e ditur se në rast të triumfit në finalen e madhe, atëherë do të kualifikoheshin direkt për në Kampionatin Evropian “Euro 2024”.
Spanja në përbërjen e tyre kanë disa mungesa, teksa Italia është e kompletuar. Spanja kërkon trofeun që nuk e ka, Nations League. Nëse ia del, skuadra iberike do të jetë e treta që do ta ketë atë, pas Portugalisë dhe Francës.
Italia, me katër Kupat e Botës, gjithashtu kërkon ta fitojnë trofeun, pasi ‘azzurrët’ ashtu si edhe skuadra e Luis de la Fuente: duan të plotësojnë në muzeun e tyre serinë e të gjitha trofeve të UEFA-s në nivel ndërkombëtar.
Nga katër skuadrat që luftojnë për këtë edicion të tretë të “Final Four”, Kroacia është e vetmja që nuk ka fituar asnjëherë asgjë nga trofetë e mëdhenj të përfaqësueseve. Kjo është arsyeja pse Modric dëshiron një titull me ekipin e tij, një skuadër që ishte nënkampione e botës në Rusi dhe e treta disa muaj më parë në Katar. Ndeshjen mes Italisë dhe Spanjës do të keni mundësinë ta ndiqni drejtpërdrejtë dhe ekskluzivisht në Digitalb.
Top Channel
Në Itali janë të sigurt, trajneri që surprizoi në Europian do të marrë drejtimin e Romës 
