Mallra kontrabandë nga Serbia, arrestohet qytetari serb në Kosovë

06/06/2023 14:24

Një shtetas është vënë në pranga në Kosovë, me akuzën se bënte tregti të ndaluar nga Serbia.

Policia e Kosovës njofton se rreth orës 07:05, në fshatin Dobravë të Leposaviçit kanë identifikuar një mjet të dyshimtë dhe kanë kryer një kontroll.

“Patrulla policore e kufirit, gjatë kontrollit të veturës të cilën e drejtonte një shtetas i Kosovës i nacionalitetit serb, kanë hasur një sasi të mallrave të cilat dyshohet se nuk kanë kaluar nëpër procedura doganore”, thuhet në njoftimin e policisë.

Sipas policisë, një automjet kishte kryesisht mallra ushqimore (produkte me origjinë shtazore), të cilat dyshohet se drejtuesi i veturës, i kishte futur në vendin tonë nga territori i Serbisë përmes rrugëve ilegale.

“Personi dhe vetura është dërguar në Terminal Doganor për procedura tjera”, thuhet në njoftim.

Top Channel