Me kopjen e mandatit si kryebashkiak i Himarës, dalë fitues në zgjedhjet e 14 majit, Fredi Beleri i kërkoi gjykatës Anti Korrupsion që të lirohet.
Me një tjetër kërkesë të dorëzuar brenda ditës në gjykatën e Vlorës, Dhinisis Alfred Beleri i kërkoi nga burgu gjykatës së Vlorës vërtetimin e mandatit si kryetar bashki në Himarë.
Por kërkesa e dytë nuk është marrë ende në shqyrtim, ndërkohë që lutja e tij për ndryshim të masës së sigurisë arrest me burg u refuzua.
“Klienti im kërkon të shkojë në Himarë pranë qytetarëve që do tu shërbejë dhe nuk ekziston asnjë mundësi ikjeje” – deklaroi avokati Edmond Dema.
Gjykata e posaçme ndryshoi arrestin me burg për Pandeli Kokaveshin, që si ndihmës i dyshuar i Belerit ka të njëjtën akuzë atë të korrupsionit në zgjedhje, pasi pagoi 400 mijë lekë për të blerë votat e 8 qytetarëve në favor të Belerit.
Megjithatë problem mbetet mandati i tij. Sipas ligjit Beleri duhet të betohet para këshilltarëve të bashkisë, por ai mbahet në spitalin e burgut.
Precedenti i mëparshëm nga zgjedhjet e 30 qershorit është ai i vijueshmërisë së mandatit siç ndodhi me Voltana Ademin që problemeve që i dolën Valdrin Pjetrit ajo vazhdoi detyrën.
Por avokati i Belerit këmbëngul për TCH se do t’i drejtohet me urgjencë gjykatës së lartë në mënyrë qe ata të shprehen brenda 45 ditëve.
Top Channel
