Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Festivali “Sunny Hill” nuk do të organizohet këtë vit në Kosovë.
Organizatorët njoftojnë se për shkak se po ndërtohet hapësira e re, datat e mbajtjes së festivalit janë zhvendosur në gusht të vitit 2024.
“Ka ardhur koha ta bëjmë një hap tjetër të madh përpara. Këtë vit, ne po bëjmë gati shtëpinë tonë të re, hapësirën e përhershme të festivalit në Bërnicë. Një vend i cili ua mundëson gjithë pjesëmarrësve ta marrin përvojën më të mirë që ata të gjithë e presin dhe meritojnë. Përjetimet e paharrueshme që i sjell ‘Sunny Hill Festival’ janë më të rëndësishmet. E pjesëmarrësit në festival e meritojnë absolutisht më të mirën”, thuhet në deklaratën e Sunny Hill Festival.
Ndërsa është theksuar se edicioni i radhës do të mbahet në fundjavën e parë të gushtit 2024.
“Ne besojmë se nxitimi i procesit të punës do të zvogëlonte cilësinë dhe esencën e asaj që Sunny Hill Festival e përfaqëson. Duke qenë edhe vet fansa të muzikës dhe festivaleve, ne besojmë shumë në ofrimin e përvojës unike dhe të jashtëzakonshme që ne si festival duhet ta ofrojmë. Prandaj, kemi marrë vendimin e vështirë për ta shtyrë edicionin e sivjetmë të Sunny Hill Festival, që t’i japim kohë krijimit të hapësirës së re. Ruani datat për një edicion masiv të Sunny Hill Festival në fundjavën e parë të gushtit 2024”.
Sunny Hill Festival është një prej pesë festivaleve më të ndjekura në Evropë.
Top Channel
