Vuçiç refuzon ‘ftesën’ e Lajçak, viziton trupat e dislokuara afër kufirit
30/05/2023 14:30
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Presidenti i Serbisë, Aleksandër Vuçiç, ka deklaruar se nuk do të shkojë në Bratisllavë, duke deklaruar se “është më e rëndësishme për të që të jetë me njerëzit e tij”.
Vuçiç i bëri komentet në llogarinë e tij zyrtare në Instagram.
Burime të BE-së e përmendën Bratisllavën si vend të mundshëm takimi mes kryeministrit të Kosovës, Albin Kurti, dhe presidentit të Serbisë, Aleksandar Vuçiç.
Ato thanë se nuk ka asgjë të konfirmuar, por se po punojnë në këtë drejtim.
Në Bratisllavë, aktualisht, po mbahet një takim për sigurinë dhe Kurti e Vuçiç kanë qenë të ftuar.
Nga kabineti i Kurtit thanë më herët për REL-in se shkuarja e tij në Bratisllavë ka qenë e planifikuar, por është shtyrë, për shkak të zhvillimeve në veri të Kosovës.
Përmes postimit në Instagram, Vuçiç, po ashtu, tha se do t’i vizitojë ushtarët e dislokuar serbë në pozicione pranë kufirit me Kosovën.
Vuçiq ka dhënë urdhër për rritjen e gatishmërisë luftarake të ushtrisë serbe dhe për dislokimin e trupave më pranë kufirit, pasi Qeveria e Kosovës, javën e kaluar, ka instaluar kryetarët e rinj shqiptarë në komunat me shumicë serbe në veri të vendit. Ky veprim ka nxitur protesta në veri të Kosovës.
Top Channel
