Vijojnë sulmet në qytetin lindor të Ukrainës, humbin jetën dy persona

29/05/2023 20:23

Dy persona kanë ndërruar jetë pas sulmeve në Ukrainën lindore, përkatësisht në rajonin e Donetsk.

Zyra e prokurorit të përgjithshëm ukrainas njoftoi se një person u vra kur predha goditi pikën e karburantit në qytetin e Toretsk. E më pas në një postim në Telegram , guvernatori rajonal Pavlo Kyrylenko tha se dy persona u vranë në sulmet në Toretsk, të cilat thuhet se përfshinin bomba ajrore me eksploziv të lartë.

Një ndërtesë shumëkatëshe u dëmtua gjithashtu në sulm, sipas atij. Ndërkohë tetë civilë u plagosën nga bombardimet.

“Çdo ditë, rusët godasin me qëllim civilët në rajonin e Donetsk”, tha Kyrylenko në Telegram.

Fotografitë: Pavlo Kyrylenko/Facebook nëpërmjet Reuters

Top Channel