Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Japonia ka thënë se do të vendosë sanksione shtesë ndaj Rusisë, pasi samiti i G7-ës i organizuar javën e kaluar ra dakord për të rritur sanksionet si formë ndëshkimi për pushtimin e Ukrainës nga Moska.
Kryesekretari i kabinetit Hirokazu Matsuno dënoi gjithashtu lëvizjen e Rusisë për të vendosur armë bërthamore taktike në Bjellorusi, edhe më afër Evropës Perëndimore, duke shtuar se kjo do të intensifikonte më tej tensionet.
“Si i vetmi vend që ka pësuar bombardime atomike gjatë kohës së luftës, Japonia nuk e pranon kurrë kërcënimin bërthamor të Rusisë, e lëre më përdorimin e tij,” tha Matsuno.
Në një veprim të koordinuar me G7, Japonia do të ngrijë asetet e 78 grupeve dhe 17 individëve, duke përfshirë oficerë të ushtrisë në Rusi dhe do të ndalojë eksportet në 80 entitete ruse, si laboratorët kërkimorë të lidhur me ushtrinë, sipas një deklarate të ministrisë së jashtme.
Tokio gjithashtu do të ndalojë ofrimin e shërbimeve të ndërtimit dhe inxhinierisë për Rusinë, megjithëse detajet e masës do të shpallen në një datë të mëvonshme.
Top Channel
