Mediat: Ligji i ri i ‘krimeve te urrejtjes’ shkakton zemërim mes irlandezëve (fotot) 17/06 17:50
Teksa numri i viktimave nga përmbytjet dramatike në Emilia Romagna mbërriti në 15, zemërata po rritet ndaj autoriteteve italiane.
Banorët e zonës janë shprehur të indinjuar se nuk mendojnë që kjo situatë ishte pasojë e ndryshimeve klimatike, por ia faturojnë atë neglizhencës, e kërkojnë hetim për mungesën e përdorimit të fondeve me qëllimin kryerjen e punimeve parandaluese siç do të ishte krijimi i baseneve mbrojtëse për të frenuar vërshimin e ujit nga lumenjtë e tej mbushur.
Këto basene artificiale mbajnë përkohësisht ujin e lumenjve të dalë nga shtrati, e më pas lejojnë rrjedhjen e tij në mënyrë të kontrolluar duke shmangur përmbytjen e zonave përreth. Sipas një investigimi të Rete 4, nga viti 2015 deri në 2022-shin, pushteti local i Emilia Romagnas ndau mbi 190 milionë euro për ndërtimin e 23 rezervuarëve të tillë, por nga këta, vetë 12 janë funksionale.
Ankesa janë paraqitur po ashtu edhe për mirëmbajtjen e argjinaturave të lumenjve. Qeveria italiane ndërkohë njoftoi alokimin e 500 eurove shtesë në muaj për familjet e prekura me dy persona, 700 për ato me tre pjesëtare, 800 ato me 4, ndihmë kjo që shkon deri në 900 euro maksimumi.
Italia e rriti ndjeshëm paketën e ndihmës emergjente për zonat e katastrofës natyrore, duke premtuar të japë tani mbi 2 miliardë euro për këto rajone, ku ende afro 23.000 mijë persona ende mbeten të pastrehë, ndërsa disa qyteza vazhdojnë të mbeten nën pushtetin e ujit.
Top Channel
