Trump bën zgjedhjen e radhës në administratë, emëron Chris Wright si Sekretar të Energjisë 17/11 17:22
Luftimet në rajonin Belgorod të Rusisë do të ndihmojnë çdo ofensivë që Ukraina po planifikon kundër forcave të Moskës, ka thënë ish-shefi i Shtabit të Përgjithshëm për Sky News.
Mes pretendimeve konkurruese se kush i kreu sulmet – diversantët ukrainas apo partizanët rusë, Lord Dannatt tha se “në një farë kuptimi nuk ka shumë rëndësi se kush” fshihej pas tyre, sepse kjo do t’i bënte rusët që jetonin në fshatrat kufitare t’i kërkonin Vladimir Putinit për forcimin e mbrojtjes.
“Pra, atëherë Putini duhet t’i përgjigjet kësaj, që do të thotë se do të ofrojë siguri më të madhe në atë zonë. Nga do t’i marrë ato trupa? Epo, nga diku gjetkë në Rusi. Ndoshta atij do t’i duhet të tërhiqet edhe nga vetë Ukraina. Është një shembull tjetër i lëvizjeve pararendëse përpara ofensivës. Kiev po mohon përfshirjen e tyre, sidoqoftë mendoj se dikush e sheh këtë me shumë skepticizëm”– tha ai.
Duke diskutuar për ofensivën e shumëpritur të Ukrainës, Dannatt tha: “Epo, do ta shohim kur të jenë gati dhe nuk duhet ta nisin përpara se të jenë gati. Ata po integrojnë armët, pajisjet, çdo këshillë dhe trajnimet që iu ka dhënë Perëndimi. Dhe jam mjaft i sigurt se në momentin e zgjedhjes së tyre – sepse koha po afron – në vend që zgjedhin për të siguruar paqen… ata kanë mundësinë t’i japin disa goditje vendimtare rusëve që do të kenë një efekt domethënës”.
Ish-shefi i Shtabit të Përgjithshëm tha se kjo nuk do të thotë se lufta do të përfundonte brenda ditëve ose javëve, duke e krahasuar atë me Ditën D që ishte fillimi i fushatës së Normandisë gjatë Luftës së Dytë Botërore.
Top Channel
