Protestuesit në Bangladesh rrethojnë selinë e gazetës kryesore duke kërkuar mbylljen (fotot)
25/11 18:58
Qeveria bjelloruse dyshohet se ka marrë pjesë në dëbimin e paligjshëm të fëmijëve ukrainas nga territoret e pushtuara gjatë agresionit rus në Ukrainë. Lajmi u konfirmua përmes një raporti paraprak nga udhëheqësit e opozitës bjelloruse në mërgim.
Menaxhimi Kombëtar i Anti-Krizës, i cili kundërshton qeverinë e presidentit Alexander Lukashenko, tha se 2 mijë e 150 fëmijë ukrainas, përfshirë jetimë të moshës 6 deri në 15 vjeç, u dërguan në të ashtuquajturat kampe rekreative dhe sanatoriume në territorin bjellorus.
Rreth 20,000 fëmijë janë transferuar ilegalisht në Rusi që nga fillimi i pushtimit në shkurt të vitit të kaluar, ndërsa disa prej tyre janë vendosur për birësim, ka pretenduar Ukraina.
Në mars, Gjykata Penale Ndërkombëtare lëshoi urdhra arresti për Vladimir Putin dhe komisioneren e tij për të drejtat e fëmijëve, Maria Lvova-Belova, për dy akuza; krime lufte dhe për zhvendosjen e qindra fëmijëve ukrainas në Rusi.
Si kundërpërgjigje, Rusia shpalli padi në mungesë për gjyqtarin dhe prokurorin e GJNP-së që lëshoi urdhërat për krime lufte.
Top Channel
