SHBA paralajmëron Turqinë kundër mikpritjes së liderëve të Hamasit 18/11 21:30
Grupi i shtatë ekonomive të përparuara do të shpallë më shumë sanksione kundër Rusisë për të penguar përpjekjet e saj të luftës në Ukrainë gjatë samitit të tyre në Hiroshima.
Presidenti ukrainas Volodymyr Zelensky mbërriti në Hiroshima dhe do të marrë pjesë në samitin të dielën, duke iu bashkuar një sesioni me liderët e G7-ës. Ai do të zhvillojë gjithashtu një takim dypalësh me kryeministrin japonez.
Rusia është tani vendi më i sanksionuar në botë, por pyetjet janë ngritur në lidhje me efektivitetin e tyre.
Presidenti i Këshillit të BE-së, Charles Michel tha se plani ishte të mbyllte zbrazëtirat dhe të sigurohej që sanksionet të jenë të dhimbshme për Rusinë, jo për vendet që i zbatojnë ato.
Michel shtoi se BE-ja prej 27 vendesh ishte e përqendruar në “mbylljen e dyerve ndaj zbrazëtirave dhe vazhdimin e ndërprerjes së Rusisë nga furnizimet kritike”.
Tashmë po punojnë në një plan për të kufizuar tregtinë e diamanteve ruse dhe për të gjurmuar tregtinë për të parandaluar Rusinë që të anashkalojë kufizimet.
Top Channel
