Procesi i zgjedhjeve, Glover: Shqetësimi ynë më i madh, presioni ndaj qytetarëve

Ajo tha se presionet ndaj qytetarëve dhe pretendimet për blerje votash janë një shqetësim për vendin.

Kryesuesja e vëzhguesve të OSBE ODIHR, Audrey Glover: Presionet dhe pretendimet për blerje votash, shqetësim. Fushata ka qenë relativisht e qetë, kandidatët kanë përdorur rrjetet sociale, nuk janë konfliktuar me njëri-tjetrin. Ka pasur sulme ndaj gazetarëve, shpifja mbetet ende një shqetësim. Në shkurt u ngrit një komitet i përkohshëm për të plotësuar rekomandimet, afati u shty por nuk pati asnjë rezultat nga ai komision, ne ishim të shqetësuar për aksesin në qendrat e votimit për personat me aftësi të kufizuara. Shqetësimi ynë më i madh ka të bëjë me numrin e madh të njerëzve në administrata civile të cilat i bënë presion qytetarëve. Duhet parë si ka qenë sjellja ndaj votuesve, dhe parë se cili është më i mirë për vendin e vet, duhet ta besojnë atë që është me e mirë për komunitetin, fushata u fokusua tek politika qendrore dhe jo çështje që kanë interes më të madh, kjo uli mundësinë e votuesve të bënin zgjedhjen e tyre. Do prodhojë një raport final muajt e ardhshëm, ne do të jemi të lutur nëse zyra e BE do ndihmojë në zbatimin e tyre.

Glover: Votimi familjar, në momente të caktuara ishte mjafte  qartë që po bëheshin manipulime, pamë njerëz që vinin vërdallë qendrave të votimit, të cilët nuk kishin pse ndodheshin aty, ishin të vetëdijshëm që kishte pasur instanca më parë që njerëzit ishin aty për të bërë votime të caktuara. Ne e dimë shumë mirë sepse kuadri zgjedhor është i qartë.

A i plotësuan standartet?

Glover: Proceduara nuk ka përfunduar duhet të dimë se çfarë do të ndodhë me raste të caktuara, pasi të trajtohen këto çështje, unë mendoj se rezultoi i suksesshëm edhe pse pati disa vështirësi, e kuptoj se shpresa she qëllimi kudo të kemi votim elektronik edhe në zgjedhjet e ardhshme dhe sigurisht të realizohet duhet të vihen nën dispozicion mjetet e përshtatshme. U realizua në disa zona, në disa të tjera pati disa vështirësi sepse nuk u zhvilluan trajnimet e duhura paraprake. Të shpresojmë që trajnimi të jetë në një nivel më të mirë. Që njerëzit ti përdorin.

Vëzhguesi ndërkombëtar i zgjedhjeve,  Stewart Dickson: Vumë re në fillim kishte pak konfuzion, pati probleme me shenjat e gishtave sepse në disa raste nuk u bënë disa veprime të thjeshta si fshirja me një pëlhurë.

Në lidhje me çështjen e Fredi Belerit, Glover tha se shpresohet të jepet rezultat në përputhje me ligjin.

Glover: Në lidhje me çështjen shpresojmë që të zhvillohen këto procedura zgjedhore dhe të japin rezultatet në përputhje me ligjin, siç e thashë ka pasur disa incidente, njerëzit kanë qenë të detyruar të votojnë në një mënyrë të caktuar, por autoritete janë përpjekur në disa raste ta parandalojnë dhe në disa të tjera jo, shpresojmë që do të realizohen procedurat ligjore dhe do të merren procedurat përkatëse.

Top Channel