Dy të rinj janë arrestuar në Mallakastër, pas konstatimit dhe goditjes së një rasti për të tregtuar fara narkotike kanabis sativa, me qëllim kultivimin.
Nga të dhënat paraprake bëhet me dije se nga kontrollet, blutë e Fierit kanë zbuluar në banesën e 19-vjeçarit Taip Koroveshaj, 1127 fara kanabisi dhe 30 fishekë luftarak. Menjëherë pas gjetjeve është bërë arrestimi i të riut, banues në fshatin Lofkënd.
Sakaq, nga hetimet, policia ka vënë në pranga edhe një 18-vjeçar, i identifikuar si Klaudio Nazëraj, pasi dyshohet se blinte fara kanabisi nga Koroveshaj, me qëllim kultivimin.
Në cilësinë e provës materiale, policia ka mundur të sekuestroi farat narkotike dhe municion luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Top Channel
