Zyra e Komisionerit për Të Drejtën e Informimit dhe mbrojtjen e të Dhënave Personale u kërkon subjekteve zgjedhore të ndërpresin telefonatat apo mesazhet drejtuar qytetarëve për t’i votuar, pasi konsiderohet përpunim i paligjshëm i të dhënave personale.
Për këtë do të nisë një hetim si ndaj subjekteve zgjedhore dhe operatorëve ekonomikë.
Në telefonat tuaj mund të kenë mbërritur telefonata apo mesazhe si këto nga subjekte politike që kërkojnë t’i votoni të dielën më 14 maj. Përveç se të drejtohen me emër mbiemër, madje kërkojnë të dinë nëse do ta kenë mbështetjen tuaj duke të pyetur indirekt për votën e e cila është e fshehtë.
Qytetarë të ndryshëm janë ankuar pranë Komisionerit për të Drejtën e Informimit dhe mbrojtjen e të dhënave personale. I cili e konsideron përpunim të paligjshëm të të dhënave personale i cili bie në kundërshtim me ligjin për mbrojtejn e të dhënave personale.
Zyra e Komisionerit për të Drejtën e Informimit dhe Mbrojtjen e të Dhënave Personale nëpërmjet një deklarate të shpërndarë në e-mail në redaksi të mediave sqaron ka vendosur në dispozicion të partive politike dhe të çdo subjekti zgjedhor, por edhe të gjithë publikut Udhëzuesin “Për përpunimin e të dhënave personale në kontekstin e fushatave zgjedhore”.
Në këtë dokument shpjegohet edhe më qartë qasja në raport me përpunimin e ligjshëm të të dhënave personale.
Nisur çfarë po ndodh nga subjektet politike të cilët kanë tashmë të gjithë numrat e telefonit të votuesve duke i shqetësuar ata edhe në orë të vona, Zyra e Komisionerit deklaron se do të hetojë çdo rast të shkeljes së ligjit “Për mbrojtjen e të dhënave personale” nga çdo subjekt zgjedhor apo operator ekonomik.
Zyra e Komisionerit, gjithashtu, u bën thirrje të gjithë subjekteve zgjedhore të ndalojnë menjëherë çdo përpunim të paligjshëm të të dhënave personale. Në këto raste ligji për mbrojtjen e të dhënave personale parashikon ndëshkim me gjobë që varion nga 10 mijë lekë të reja deri në 2 milion lekë.
Top Channel
