Ministri i Jashtëm i Japonisë zbulon bisedimet e zyrës ndërlidhëse të NATO-s, lufta në Ukrainë e bën botën më pak të qëndrueshme

Lajmi është konfirmuar nga shefi i diplomacisë japoneze gjatë një interviste ekskluzive të mërkurën për CNN, duke thënë se pushtimi rus i Ukrainës e ka bërë botën më pak të qëndrueshme.

“Ne jemi tashmë në diskutime, por asnjë detaj nuk është finalizuar ende”- tha ministri i Jashtëm Yoshimasa Hayashi.

Hayashi përmendi në mënyrë specifike pushtimin rus të Ukrainës vitin e kaluar si një ngjarje me pasoja shumë përtej kufijve të Evropës që e detyruan Japoninë të rimendonte sigurinë rajonale.

“Arsyeja pse po diskutojmë për këtë është se që nga agresioni i Rusisë ndaj Ukrainës, bota është bërë më e paqëndrueshme.

Diçka që ndodh në Evropën Lindore nuk kufizohet vetëm në Evropën Lindore, dhe kjo ndikon drejtpërdrejt në situatën këtu në Paqësor. Kjo është arsyeja pse një bashkëpunim mes nesh në Azinë Lindore dhe NATO-s po bëhet … gjithnjë e më i rëndësishëm”– tha ai.

Nikkei Asia ishte e para që raportoi planet për të hapur zyrën në Japoni të mërkurën e kaluar, duke cituar zyrtarë të paidentifikuar japonezë dhe të NATO-s. Për CNN javën e kaluar, një zëdhënës i NATO-s tha: “Sa i përket planeve për të hapur një zyrë ndërlidhëse në Japoni, ne nuk do të hyjmë në detajet e diskutimeve të vazhdueshme midis aleatëve të NATO-s.” Ajo shtoi se NATO dhe Japonia “kanë një bashkëpunim afatgjatë”.

Pushtimi i Rusisë bëri që Finlanda dhe Suedia e jo-angazhuar të braktisin neutralitetin e tyre dhe të kërkojnë mbrojtje brenda NATO-s, me Finlandën që u bashkua zyrtarisht me bllokun muajin e kaluar. Një zyrë në Tokio do të ishte jashtëzakonisht e rëndësishme, pasi lufta në Ukrainë dhe thellimi i ndarjeve brenda Azisë kanë bërë që vende si Japonia dhe Koreja e Jugut të afrohen më shumë me partnerët e tyre perëndimorë dhe të paraqesin një front të bashkuar kundër kërcënimeve të perceptuara më afër vendit, siç është Koreja e Veriut dhe Kinës.

Top Channel