Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Shtatë emigrantë kanë vdekur dje në SHBA kur një makinë i goditi ata në një ndalesë autobusi para një qendre për të pastrehë në Texas.
Victor Maldonado, drejtor i qendrës kristiane Bishop Enrique San Pedro, tha se në kamerat e sigurisë shihet grupi i njerëzve ishin ulur në bordurë mëngjesin e të dielës.
Ai shpjegonte: “Ajo fuoristrada, një Range Rover, hyri në semafor me dritë të kuqe dhe shkoi drejt njerëzve që ishin ulur në ndalesën e autobusit”.
Maldonado shtoi se shumica e viktimave ishin nga Venezuela.
Ai shtoi se makina u përmbys pasi kapërceu trotuarin dhe rrëshkiti rreth 70 metra derisa ndaloi.
Rrjeti The New York Times citonte gjykatësin Eddie Trevino që thoshte se nuk është ende e sigurtë që emigrantët u goditën qëllimisht, apo drejtuesi humbi kontrollin e mjetit.
Si shoferi dhe 11 persona të tjerë u dërguan në spital.
Policia e Brownsville tha se shoferi u ndalua në vendngjarje nga dëshmitarët dhe u testua për substanca intoksikuese nga autoritetet.
Gjykatësi Trevino e përshkruante skenën e ngjarjes si ‘shumë të rëndë’.
Qyteti kufitar i Texas është një pikë e rëndësishme tranziti për emigrantët që kalojnë kufirin me Meksikën, ndërsa qëndra Ozanam i strehon ata vetëm për natën.
Drejtori Maldonado tha se qendra nuk kishte marrë kërcënime para këtij incidenti por deklarata urrejtjeje ishin bërë pas tij.
Ai tha: “Disa persona te hyrja nisën të bërtisnin ndaj rojeve të sigurisë duke thënë se arsyeja përse kjo ka ndodhur është puna jonë këtu”.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
