Sulmi në Banjskë dhe vrasja e policit Afrim Bunjaku, të arrestuarit pritet të japin deklaratat rreth akuzave 09/10 07:46
Instituti Octopus thotë se ka informacione se presidenti serb Aleksandër Vuçiç ka urdhëruar nënkryetarin e Listës Serbe, njëherazi i sanksionuar nga Shtetet e Bashkuara të Amerikës dhe Britania e Madhe, Milan Radoiçiçin që të fillojë rebelimin e serbëve në komunat veriore të Kosovës.
Drejtori i këtij instituti për studime të luftës hibride, Agim Musliu, shkroi në rrjete sociale se Vuçiçi dëshiron të tërheqë vëmendjen nga një shkrim i “New York Times” ku shfaqeshin lidhjet e tij me kriminelë serbo-rusë.
“Sipas të dhënave që Instituti Octopus i ka marrë nga opozita serbe në Beograd, Aleksandër Vuçiqi ka urdhëruar Milan Radoiçiçin që të fillojë rebelimin e serbëve në komunat veriore të Kosovës. Me këtë, Vuçiç dëshiron ta tërheqë vëmendjen e brendshme dhe eventualisht edhe presionin mediatik e diplomatik nga disa vende perëndimore, e cila u acarua pas publikimit të një shkrimi dje nga NYT, ku dëshmoheshin lidhjet e tij me kriminelë serbo-rusë”, shkroi Musliu.
Edhe vetë Vuçiç, përmes një konferencë për media paralajmëroi se një krizë e madhe po pret veriun e Kosovës./ KosovaPress
Top Channel
