Lushnja, një rreth me mbi 200 mijë banorë mbetet sot zyrtarisht pa gjykatë të shkallës së parë.
Dosjet janë transferuar në Gjykatën e Fierit sipas hartës së re gjyqësore.
Janë mbi 2,000 dosje të cilat do të gjykohen tashmë ne gjykatën e Fierit dhe kjo bie në kurriz të qytetarëve lushnjarë. Sipas avokatëve të cilët e kundërshtuan edhe me bojkot këtë hartë, kostot bien mbi xhepat e qytetarëve.
Ndërkaq qe prej muajit shkurt nuk njoftohen të interesuarit për proceset gjyqësore në Fier. Avokati i dhomës se avokatisë së Lushnjës, Jurid Sharka pohon se numri i gjyqeve dhe dosjeve është tepër i madh dhe ngarkesa do të jetë humbje kohe për të interesuarit.
Mbi 400 procese në muaj për çështje civile e penale janë zhvilluar në muajin shkurt në gjykatën e Lushnjës që tashmë është e transferuar edhe zyrtarisht në Gjykatën e Fierit.
Top Channel
