Pagesa më të lira në banka! Hyrja e Shqipërisë në SEPA, vitin e parë kursehen 20 milionë euro
23/11 15:07
Klarida Semanjaku nga fshati Sheqishtë i Bashkisë Patos prej dy vitesh ka ngritur një kompleks në rritjen dhe mbarështimin e derrave.
Me një sipërfaqe prej 960 metrash katrorë falë një financimi të përfituar nga Ipard II ,Klarida sot është sipërmarrëse e një kompleksi modern, ku që nga godina dhe deri tek ushqyerja e derrave kryhet nëpërmjet mekanikës moderne.
“Nga një mini-fermë që siguronte furnizim të biznesit familjar, rritëm dhe zmadhuam kapitalin nga viti në vit dhe duke parë përfitimet dhe kërkesat e shumta të tregut për mishin e gicit menduam dhe aplikuam për të zmadhuar kapacitetet për ndertimin e kësaj stallë që kemi sot”, tha fermerja Klarida Semanjaku.
Ushqyerja ka një rol të rëndësishëm në përfitimin e një produkti bio ndaj dhe për këtë qëllim Semanjaku ka marrë 100 hektarë tokë me qira që i siguron bazën ushqimore për gicat.
“Megjithëse pjesa më e madhe e punës kryhet me transportier për ushqyerjen e gicave ne keni punësuar edhe 7 punonjës me paga të kënaqshme. Nga puna që kemi ngritur deri tani jemi të kënaqur dhe synojmë të rrisim më tej kapacitetet”, tha Semanjaku.
Kjo stallë ka thënë Klarida e ka ciklin e mbyllur të prodhimit në gati 3000 krerë në një vit, që nga lindja e gicave dhe deri në therjen e mishit për treg.
Top Channel
