Selena Gomez ka kryer gjashtë muaj kurs të gjuhës spanjolle? Arsyeja do t’ju mahnisë 23/11 22:09
Mbreti Charles i Britanisë dhe gruaja e tij Camilla inauguruan skenën për Festivalin e Këngës në Eurovizion 2023, që do të zhvillohet muajin e ardhshëm në qytetin verior anglez Liverpoolin, teksa njoftuan se do të marrin pjesë në event.
Charles dhe Queen Consort, kurorëzimi i të cilëve do të bëhet disa ditë para konkursit, takuan gjithashtu pjesëmarrësen britanike Mae Muller dhe morën pjesë në regjistrimin e një segmenti për shfaqjen argëtuese televizive për fëmijë Blue Peter.
“Ne do të shikojmë me interes të madh, duke ju nxitur,” i tha mbreti Muller.
Liverpool do të jetë vendi pritës i konkursit, në emër të fituesit të vitit të kaluar, Ukrainës, pasi nuk ishte në gjendje të organizonte konkursin për shkak të pushtimit rus. Britania ishte nënkampione vitin e kaluar.
Pas një numërimi mbrapsht nga shikuesit, Charles dhe Camilla zbuluan skenën e konkursit duke shtypur një buton të madh rozë, i cili nisi një seri dritash shumëngjyrësh në skenë.
The Eurovision competition stage in Liverpool was unveiled by Britain’s King Charles and Queen Consort Camilla https://t.co/DUK4NHF8OG pic.twitter.com/iFFJwI4K9E
— Reuters (@Reuters) April 27, 2023
Muajin tjetër do të ketë një sërë festimesh në të gjithë Britaninë, me ceremoninë zyrtare të kurorëzimit të Charles në Ëestminster Abbey më 6 maj dhe një koncert të nesërmen në Kështjellën Ëindsor.
Në shkurt, qeveria e Britanisë tha se do të jepte 3,000 bileta për konkursin e këngës në Eurovizion për ukrainasit e zhvendosur dhe do të siguronte 10 milionë paund fonde për të ndihmuar në organizimin e konkursit.
Konkursi i këngës do të mbahet nga data 9 deri më 13 maj.
Top Channel
