Megjithatë, në procedurat e divorcit, Abouk e gjeti veten në një surprizë kur zbuloi se e gjithë pasuria e marokenit ishte në emrin e nënës së tij, diçka që ndryshoi rrënjësisht kushtet e çdo zgjidhjeje të mundshme divorci.
Edhe kështu, ekipi i saj ligjor kërkon 10 milionë euro, ndërsa ai i ofron vetëm dy milionë.
La Vanguardia ka raportuar se aktorja ka vendosur të ngrejë një padi kundër ish-bashkëshortit të saj për mashtrim dhe keqadministrim të aseteve të tyre martesore.
Nga ana e saj, nëna e lojtarit ka folur për këtë çështje, ndonëse duke mos i bërë më të qarta gjërat.
“Djali nuk më ka njoftuar për transferimin e pasurisë së tij. Nëse ka ndërmarrë ndonjë veprim për t’u mbrojtur, nuk kam dijeni për këtë”, ka deklaruar nëna e Hakimit .
“Por… cili është problemi nëse do të ishte e vërtetë? Nëse djali im nuk e bën këtë, ai nuk do të mund ta heqë qafe atë grua.”
Çfarë thotë Hiba Abouk për rastin?
Aktorja ka dhënë një intervistë për revistën Elle ku ka folur për divorcin e saj dhe gjithë polemikat rreth tij.
“Ka ditë kur unë jam mirë dhe të tjera kur duhet të dish të përballesh me goditjet dhe të marrësh vendime që ndonjëherë janë të komplikuara”, ka konfirmuar ajo.
“Kjo mund t’ju largojë pak nga ekuilibri. Kur ndaheni, ju ristrukturoni jetën tuaj, megjithëse nuk është as ndonjë gjë e madhe dhe duhet të hiqni presionin. U largova nga shtëpia me një dorë përpara dhe një dorë prapa. Pa mbështetjen e familjes. Por më duhej ta bëja, sepse mjedisi im nuk do të më lejonte të rritesha apo të isha e lirë. Ka qenë jeta ime ose e tyre dhe vendosa të luftoj për veten time, nuk kam asnjë lidhje me gjërat materiale”, shtoi ylli.
