I kërkuan të rikthehej në “Friends”, Jennifer Grey refuzoi rolin për shkak të ankthit

Edhe pse fillimisht ishte e emocionuar, si “adhuruese e shfaqjes”, Grey tha për “MediaVillage” se kur bëhej fjalë për xhirimet e skenave të saj, ajo përjetonte ankth të keq pasi ata vazhdonin të ndryshonin skenarin.

“Është shumë e vështirë të jesh një yll i ftuar sepse nuk je pjesë e tij dhe vërtet po përpiqesh t’i kuptosh të gjitha,” shtoi ajo. “Ata po përpiqeshin të kuptonin se cili ishte personazhi, cila ishte skena, dhe po ndryshonte, po ndryshonte dhe po ndryshonte. E gjithë kjo më bëri aq të shqetësuar sa mezi ia dola ta bëja.”

Grey u shfaq në fund të sezonit të parë të serialit si Mindy, shërbëtorja e nderit dhe shoqja më e mirë e Rachel-it, e cila pati një lidhje me ish-ortodontin Barry dhe u martua përfundimisht me të.

Roli u riformulua më vonë, me Jana Marie Hupp që u shfaq në episodin e fundit të sezonit të dytë, “The One with Barry and Mindy’s Wedding”.

“Kur më kërkuan të kthehesha, thashë se nuk mundem,” tha Grey. “Ata morën dikë tjetër për të luajtur rolin. Më vjen keq që do të thosha jo për të vazhduar në Friends…për shkak të ankthit tim. E vërteta është se do të doja të kisha njerëz që të më ndihmonin ta kaloja atë lloj frike. 

Grey, e njohur më së shumti për rolet e saj në “Dirty Dancing” dhe “Ferris Bueller’s Day Off”, gjithashtu kujton se ankthi e pengoi atë të ndiqte mundësi të tjera karriere, duke përfshirë organizimin e “Saturday Night Live”.

Top Channel