Ambasadori i Francës në Kosovë, Olivier Guerot tha se i vjen keq që jo të gjitha partitë morën pjesë në zgjedhjet e parakohshme lokale në veri të Kosovës.
“Zgjedhjet me kaq pak votues nuk i kontribuojnë zgjidhjes politike”, shkroi ai në Twitter.
Por, ai theksoi se gjë pozitive ishte profesionalizmi i treguar nga autoritetet e rendit në Kosovë dhe ato ndërkombëtare.
Autoritetet në Kosovë thanë se gjatë procesit zgjedhor nuk është regjistruar ndonjë incident.
Komisionit Qendror i Zgjedhjeve tha se pjesëmarrja në votime ishte pak më shumë se 3 për qind.
Cette élection avec si peu d’électeurs n’apporte pas de solution politique. Nous regrettons l’absence de participation de certains partis. Point positif : professionnalisme de la police🇽🇰+Kfor/Eulex. Il faut maintenant appliquer l‘accord d‘Ohrid.
— Ambassadeur Olivier Guerot (@Olivier_Guerot) April 23, 2023
Sipas rezultateve paraprake, Lëvizja Vetëvendosje ka fituar garën për kryetar komune në Mitrovicë të Veriut dhe Leposaviq. Ndërkaq, Partia Demokratike e Kosovës në Zveçan dhe Zubin Potok.
Në zgjedhje garuan 10 kandidatë për kryetarë komune. Vetëm një prej tyre ishte nga komuniteti serb.
Top Channel
