“Bagëti e Bujqësi”, emisioni më i ri në Top Channel çdo të shtunë, realizuar nga gazetarja Rudina Muça
04/10 15:50
Të dhënat nga Instituti i Statistikave tregojnë se eksportet e vendit arritën 42 miliardë lekë, një ulje me 11.7% në krahasim me të njëjtën periudhë vitin e kaluar.
Edhe importet në vlerën 81 mld lekë u ulën me 3.7%, ndërsa deficiti tregtar vijon të zgjerohet.
Eksporti i mallrave jashtë Shqipërisë është ndikuar nga rënia e grupeve kryesore. Kështu vendi po dërgon më pak materiale ndërtimi dhe metale jashtë vendit një rënie me 8.6% në krahasim me një vit më parë.
Edhe mineralet, lëndët djegëse dhe energjia elektrike është eksportuar më pak me rënie 4.8%, ndikuar kryesisht nga konjuktura e çmimeve. Të dhënat tregojnë se volumi i eksportit të këtyre mallrave është rritur, por çmimi më i ulët me të cilin ato po shiten në tregun ndërkombëtar ka sjellë ndikim negativ në financat e kompanive.
Tekstilet dhe këpucët që ishin lokomotiva kryesore e produkteve “Made in Albania” vitin e kaluar u zgjeruan me vetëm 0.2% në mars, praktikisht në stanjacion.
Produktet bujqësore si dhe grupi i makinerive, pajisjeve dhe pjesët e këmbimit kanë arritur të ruajnë trendin pozitiv.
Edhe gjeografia e vendeve të eksportit ka ndryshuar, pasi në mars dërguam më shumë produkte drejt Spanjës, Greqisë dhe Kosovës, ndërsa ka ulje me partnerët tradicionalë si Italia dhe Gjermania.
Top Channel
