Uashingtoni i dha dritën jeshile përdorimit të raketave me rreze të gjatë, reagon Zelenksy 17/11 22:37
Si është cilësia e jetesës në Elbasan?
Sipas sondazhit të kryer nga Top Channel në bashkëpunim me Angi Richerce, duket se pjesa më e madhe e qytetarëve të Elbasanit të anketuar kanë vlerësuar pozitivisht punën e kryebashkiakut socialist Gledian Llatja.
Sipas sondazhit, 37,6 përqind e të anketuarve thonë se cilësia e jetës në Elbasan në 4 vitet e fundit është përmirësuar.
28.7% mendojnë se ka qëndruar e njëjtë, sakaq 33.7 % janë përgjigjur negativisht, duke e konsideruar atë të përkeqësuar.
Intervistat janë kryera për periudhën 20 mars deri në 10 prill 2023. 819 persona me të drejtë vote janë marrë në pyetje, ndërsa metodologjia e përdorur është me anë të telefonatave dhe webit. Dhe marzhi i gabimit llogaritet të jetë +/- 2.2 për qind. Bashkia Elbasan ka rreth 169 mijë votues, të cilët do të zgjedhin në 14 maj kryebashkiakun e tyre për katër vitet e ardhshme. Në garë është Gledian Llarja i Partisë Socialiste përballë Luçiano Boçit, i koalicionit “Bashkë Fitojmë”.
Top Channel
