Masakër në një shkollë në Kanada, 10 të vdekur dhe 25 të plagosur. Autori dyshohet se është vetëvrarë 11/02 03:51
Kriza ekonomike dhe inflacioni janë problemet kryesore në vendin tonë, sipas qytetarëve elbasanllinj.
Në sondazhin e “Angi Ricerche” dhe Top Channel, prezantuar sonte në “Top Story”, rezulton se 42.8 për qind e votuesve në Elbasan mendojnë se ekonomia është çështja që i shqetëson më shumë.
Ndërkohë, 37.9 për qind e tyre përmendin emigracionin si problem në Shqipëri. 32 për qind e qytetarëve thonë se problemi kryesor është papunësia apo mungesa e punës. Varfëria thonë 26.8 për qind e të anketuarve, pagat e ulëta thonë 21.2 për qind, ndërsa pagat e ulëta janë problemi kryesor i 19.4 për qind e elbasanasve.
Pjesa tjetër e të anketuarve, rendisin infrastrukturën, kriminalitetin, korrupsionin, luftën Ukrainë-Rusi, krizën politike, qeverisen e keqe dhe turizmin si probleme që ka Shqipëria.
Sondazhi i “Angi Ricerche” dhe Top Channel në bashkinë e Elbasanit është zhvilluar nga data 20 mars deri në 10 prill 2023. Gjithsej, janë intervistuar 819 zgjedhës, ndërsa marzhi i gabimit llogaritet të jetë +/- 2.2 për qind. Bashkia Elbasan ka rreth 169 mijë votues, të cilët do të zgjedhin në 14 maj kryebashkiakun e tyre për katër vitet e ardhshme.
Top Channel
