Qindra besimtarë ortodoksë u mblodhën mbrëmjen e së shtunës në Katedralen e Korçës për të uruar ngjalljen e Krishtit, ndërsa drita e qirinjve u shpërnda mes qindra besimtarëve.
Më pas ata iu drejtuan shtëpive të tyre me flakën ndezur, në shenjë mbarësie për të marrë bekimin e Zotit.
Në Durrës, shërbesa e Ngjalljes dhe Mesha hyjnore u zhvilluan në kishën “Apostull Pavli” dhe “Shën Asti”. Zjarri i shenjtë iu kalua me qirinj besimtarëve që shkëmbyen mes tyre urimet e rastit.
Në kishën e Shën Gjergjit në Lushnjë, me qirinjtë në duar që simbolizojnë dritën e përjetshme, ortodoksët iu bashkuan meshës së vigjiljes.
Në Vlorë Ceremonia e Pashkës u kremtua në Kishën e Shën Theodhorit, drejtuar nga At Kostandin Prifti, i cili kreu edhe lutjet sipas ritit fetar.
Në Fier, besimtarët ortodoksë u mblodhën në kishën e Shën Gjergjit. At Nikolla mbajti meshën e ringjalljes së Krishtit. Pas procesionit te ndjekur ne mesnate besimtarët ortodoks u lutën për më shumë paqe dhe mirësi brenda shpirtrave te tyre
Edhe në Shkodër komuniteti i besimtareve Ortodoks festuan Pashkën. Mesha e vigjiljes u kremtua në mesnatë nga at Nikolla Petani. Besimtaret uruan njëri tjetrin nga afër në katedralen Lindja e Krishtit.
Top Channel
