Postimi prekës i vajzave të Bruce Willis, ndajnë foton e ëmbël krahë aktorit në Ditën e Falënderimeve: Babai më i mirë 29/11 23:02
30 vjeçarja australiane Hannah Zaslawski, ka nisur një seri postimesh në rrjetin Tik Tok ku dokumenton takimet e saj të njohjeve me djem, edhe pse ankohet se në disa raste është quajtur “e shëndoshë”, është lënë vetëm në takim, apo meshkujt e kanë vënën “nën presion”.
Gjithsesi ajo nuk ngurron të ndajë historitë me fansat e saj.
Hannah është vendosur tashmë në Londër me misionin e saj për të gjetur një partner, duke thënë se “gjithmonë kishte dashur të vinte në Angli.
Punonjësja e kafenesë thotë se ka shkuar tashmë në 15 takime të mira por ka pasur dhe shumë dështime gjatë rrugës, duke përfshirë dhe një djalë që anuloi takimin pasi ajo nuk i ishte përgjigjur mesazheve prej disa orësh.
Hannah thotë se përballja me eksperiencën ndihmon në vetëbesimin e saj, duke mos u mësuar thjesht të “bëhej me dikë” por për të mësuar ato që ajo kërkon te partneri i saj.
Hannah thotë: “Nisi si diçka që do të bëja për qejf, që t’u tregoja miqve të mi në Australi sesi po më ecnin njohjet e reja”.
“Në fakt të gjithë kanë qenë shumë të sjellshëm. Edhe nëse takimi nuk ka shkuar mirë të gjithë personat kanë shkuar mirë dhe jam kënaqur”
Hannah thotë se ka nisur takimet e saj intensive për të njohur miq të rinj në Londër.
Që kur është vendosur në Angli në korrik 2022, ajo thotë se ka bërë 16 takime, për të cilat bën analizën e saj në rrjetet sociale.
Duke folur për incindetin kur i njohuri i saj nuk erdhi fare në takim, ajo shpjegon: “Ditën para takimit ai tha ‘Le të shkojmë te ky vendi, duket mirë’ dhe e lamë të dilnim”.
Vajza shton më tej se ditën tjetër ajo nuk i ishte përgjigjur per disa ore mesazheve djalit por kishte shkuar gjithsesi në takimin e pasdites siç e kishin lënë.
“Kur shkova aty, ai nuk erdhi dhe në telefon me tha: ‘Ti nuk m’u përgjigje kështu që bëra plane të tjera”.
Ajo shprehej e zemëruar për ngjarjen.
“Ne kishim caktuar datën, vendin, dhe vetëm se nuk u përgjigja për disa orë nuk do të thotë se e anulova”.
Hannah thotë se shpreson të dokumentojë jetën e njohjeve të reja në Londër, sipas saj “për të frymëzuar gra të tjera”.
Ajo thotë: “Takimet mund të jenë të frikshme por shumë njerëz kanë thënë se i kanë ndihmuar të mos kenë frikë. Nuk ka të bëjë të impresionosh tjetrin, por vetëm për t’u njohe e për t’u zbavitur”.
Top Channel
