“Nga vijnë armët? Nga Marsi?”/ Këshilltari i liderit suprem: Irani përgatitet t’i përgjigjet sulmeve të Izraelit 24/11 17:34
Takimet pranverore të Bankës Botërore dhe Fondit Monetar Ndërkombëtar nisin këtë javë me një reformë ambicioze dhe agjendë për mbledhjen e fondeve që ka të ngjarë të eklipsohet nga shqetësimet për inflacionin e lartë, tensionin gjeopolitik në rritje dhe stabilitetin financiar.
“Megjithatë qëndrueshmërinë e jashtëzakonshme të shpenzimeve konsumatorë në Shtetet e Bashkuara, në Evropë, pavarësisht rritjes nga rihapja e Kinës, rritja globale do të mbetet nën tre për qind” në vitin 2023”, tha drejtoresha menaxhuese e FMN-së Kristalina Georgieva, në një konferencë për shtyp të hënën.
Fondi tani pret që rritja globale të mbetet afërsisht tre për qind për gjysmën e dekadës së ardhshme, parashikimi i tij më i ulët afatmesëm që nga vitet 1990.
“Afro 90 për qind e ekonomive të përparuara të botës do të përjetojnë ngadalësim të rritjes këtë vit, ndërsa tregjet në zhvillim të Azisë pritet të shohin një rritje të konsiderueshme të prodhimit ekonomik, me Indinë dhe Kinën që parashikohet të përbëjnë gjysmën e të gjithë rritjes”, tha Georgieva javën e kaluar.
Vendet me të ardhura të ulëta pritet të pësojnë një goditje të dyfishtë nga kostot më të larta të huamarrjes dhe një rënie në kërkesën për eksportet e tyre, të cilat Georgieva tha se mund të nxisin varfërinë dhe urinë.
Projeksionet e përditësuara të rritjes të publikuara në Perspektivën Ekonomike Botërore të FMN-së të martën do të ofrojnë një vështrim më të gjerë se si po përballen vendet e ndryshme, me botime shtesë për të detajuar sfidat fiskale dhe financiare për ekonominë globale.
Banka Botërore, e cila parashikoi një pamje më të zymtë ekonomike se FMN-ja në fillim të këtij viti, po e rrit paksa parashikimin e saj për rritjen globale në 2023, nga 1.7 për qind në janar në dy për qind, e nxitur nga rihapja ekonomike e Kinës, tha presidenti i bankës, David Malpass, një konferencë për shtyp të hënën.
Top Channel
