Një 30-vjeçar është proceduar penalisht pasi tentoi të kalonte në Pikën Kufitare të Kapshticës me një shumë të madhe parash me vete, pa i deklaruar.
Nga të dhënat paraprake bëhet me dije se shtetasi me inicialet L.S., ka pasur me vete 15 580 euro të cilat nuk i deklaroi në kufi, siç e përcakton ligji.
Shërbimet e Stacionit të Policisë Kufitare Kapshticë, në bashkëpunim me FRONTEX-in dhe autoritetet doganore, në vijim të punës për parandalimin dhe goditjen e paligjshmërisë, në kuadër të kontrolleve të shtuara, në dalje të Republikës së Shqipërisë, gjatë kontrollit të imtësishëm në valixhet e 30 vjeçarit – pasagjer në një autobus – gjetën dhe sekuestruan shumën e parave në cilësinë e provës materiale.
Strukturat hetimore të DVP Korçë referuan materialet në Prokurori dhe filloi procedimi penal për 30-vjeçarin.
Top Channel
