Mbrojtja e lumit Vjosa, Rama: Radha të dëgjojmë komunitetet lokale, ja se ku dhe kur do të mbahen takimet! Për të gjithë ata që i fryjnë një tymi pa zjarr…
20/05 19:04
Një sasi prej 145.000 shishe pije alkoolike u sekuestruan paraditen e së enjtes prej financës dhe policisë greke .
Sipas informacioneve ekskluzive të Top Channel, sasia rekord e pijeve alkoolike, kishte destinacion Shqipërinë.
Mësohet se 10 konteinerët në të cilën ndodheshin pijet kontrabandë, ishin nisur nga Gjeorgjia dhe mbërritën në pire para 8 ditësh.
Burime nga doganat greke thanë se kishin informacion prej zyrës europiane të parandalimit të mashtrimit dhe falsifikimit(Olaf) lidhur me itenerarin e ngarkesës,ndaj dhe ishin vënë në alarm për bllokimin e sasisë të transportuar.
Prej analizave të kryera në laboratorin shtetëror të kimisë në Athinë,rezultoi se pijet ishin jo origjinale dhe jashtë parametrave të bashkimit europian, ndaj edhe u sekuestruan.
Burimet i thanë Top Channel se informacionet lidhur me itinerarin e ngarkesës iu dhanë prej homologëve të tyre holandezë,me të cilët janë kanë kryer edhe disa operacione të përbashkëta gjatë dy viteve të fundit.
Sasia e mallit u dërgua në magazinat doganore të Pireut, ndërsa hetimet do të vazhdojnë për zbardhjen e linjës së plotë të trafikimit të pijeve alkoolike dhe cigareve mes vendeve lindore dhe bashkimit europian.
Top Channel
