Top Channel ka siguruar pamjet nga kamera e sigurisë e vendosur përballë banesës ku ishte parkuar makina që u dogj gjatë natës në Korçë.
Një person hodhi lëndën djegëse në pjesën e përparme të makinës dhe i vendosi zjarrin rreth orës 01:10.
Në momentin e zjarrit ndodhi një shpërthim dhe ai nuk mundi të largohej në kohë.
Mendohet se autori ka marrë lëndime, ndërsa nuk është raportuar asnjë i plagosur në spital deri tani.
Makina ishte e parkuar para banesës pranë vendit të quajtur “Ura e fajancës”.
Pronari i mjetit është shtetasi Klodian Cacani, i cili nuk njihet si person me precedent penal.
Deri më tani autori nuk është identifikuar, ndërsa vijon puna për kapjen e tij.
Korçë/Informacion paraprak
Më datë 06.04.2023, rreth orës 01:10, pranë vendit të quajtur “Ura e fajancës”, ka rënë zjarr në automjetin tip “Benz” në pronësi të shtetasit K. C., banues në Korçë, i cili ishte i parkuar. Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit.
Top Channel
