Analiza/ Shërbimet sekrete perëndimore akuzojnë Moskën për luftë hibride. Si funksionon ky fenomen? 29/11 09:29
Çrregullime të spektrit autik tek fëmijët e vegjël sa vijnë e po shtohen.
Shifrat tregojnë se 1 në 38 fëmijë referuar CDC shfaq çrregullime të spektrit ndërkohë që vetëm para dy viteve kjo statistikë ishte 1 në 44 fëmijë. Mjekët logopedë të cilët merren me trajtimin e fëmijëve kanë një apel të fortë për nënat për t’i mbajtur larg ekranit të telefonit apo ipadit fëmijët e e vegjël, gjë e cila haset shumë shpesh që kur janë foshnje të vogla. Sipas tyre ekrani nuk është shkaktari por ndikon në shfaqjen e çrregullimeve të spektrit autik.
“Janë shtuar shumë. Por ne po i prashisim vetë. Ne po i krijojmë terren çrregullimeve të psketrit autik. Ça është çrregullimi autik? Mungesë komunikimi, qëndrimi vetëm, mungesë interesi për t’u socializuar. E theksoj ekrani nuk e shkakton por kur është i predispozuar, ekrani i zgjon këto çrregullime dhe i thellon”, tha logopedi Spiro Sqellari.
Logopedi Saqellari sqaron se nuk kanë qenë të shpeshta këto çrregullime në vitet 60-70 pasi ndryshe nga fëmijët e sotëm ata e gëzonin fëmijërinë me lojëra. Ai thekson se gabimi më i madh që bëjnë nënat është kur ushqejnë fëmijët e duke i vendosur të shikojnë kukulla në telefon madje që kur janë foshnje fare të vogla apo kur u nevojitet kohë për vete i lenë fëmijët me celular në dorë.
Shenjat e para të çrregullimeve të spektrit autik mund të duken nga mosha 1 vjeç deri kur foshnja mbush 18 muajsh. Por në Shqipëri fëmijët me çrregullime të spektrit diagnostikohen shumë vonë duke bërë që terapitë t’i fillojnë vonë çka vështirëson ecurinë e zhvillimit të tij.
Top Channel
