Ambasadori i BE-së reagon pas djegies së makinave në veri të Kosovës
31/03/2023 14:10
Eurodeputeti estonez emërohet raportues për Kosovën në Parlamentin Europian 18/11 13:45
Shefi i Zyrës së Bashkimit Evropian në Kosovë, Tomas Szunyog, ka dënuar djegien e makinave me targa RKS në veri të vendit.
Ai ka thënë se shkatërrimi i pronës private për të frikësuar qytetarët është i papranueshëm dhe duhet dënuar nga të gjithë.
“Dënojmë ashpër djegien e automjeteve të ri-regjistruara së fundmi në targa të Kosovës në veri të Kosovës. Shkatërrimi i pronës private, që ka ndodhur në dy ditët e fundit, me qëllim të frikësimit të popullatës lokale është i mjerueshëm dhe i papranueshëm dhe duhet dënuar nga të gjithë aktorët përkatës”, ka shkruar ambasadori i BE-së në Twitter.
Policia e Kosovës ka bërë të ditur se në veri të vendit është raportuar për djegien e tri makinave që u përkasin personave të nacionalitetit serb.
Gjithashtu, një ditë më parë u ishte vënë zjarri edhe dy makinave të tjera.
Top Channel
