Studim/ Zbuloni sa fëmijë duhet të keni që të jeni të lumtur 24/04 08:20
Alergjitë shkaktohen nga sistemi imunitar i trupit që ngatërron një substancë normalisht të padëmshme për diçka të rrezikshme, duke shkaktuar një reagim të panevojshëm. Substanca që shkakton reaksionin quhet alergjen.
Alergjenët e zakonshëm përfshijnë polenin, zbokthin e kafshëve shtëpiake, mykun, marimangat e pluhurit, helmin e insekteve, si dhe disa ushqime, bimë dhe medikamente.
Nëse vuani nga alergjitë sezonale, atëherë vuani nga kruarja, teshtitja dhe bllokimi i hundës. Edhe në ditët kur poleni nuk është në lëvizje të plotë, ka disa zakone që mund t’i përkeqësojnë simptomat tuaja.
6 zakone të çuditshme që i bëjnë alergjitë sezonale edhe më keq:
Kushtojini vëmendje perimeve dhe frutave
Disa fruta dhe perime përmbajnë proteina të ngjashme me ato që gjenden në polen, duke shkaktuar një reaksion alergjik. Për shembull, deri në 75% e të rriturve me rinitit alergjik mund të pësojnë kruajtje ose ënjtje kur hanë mollë, banane ose pjepër.
Kini kujdes kur vraponi në mëngjes
Nivelet e polenit janë zakonisht më të larta në mëngjes sesa në pasdite. Pra, nëse planifikoni të vraponi jashtë, është mirë të prisni deri në mesditë. Gjithashtu, është e rëndësishme të ndërroni rrobat dhe të bëni dush pas vrapimit, veçanërisht nëse keni vrapuar në vende me shumë polen.
Kujdes me verën e kuqe
Një gotë verë e kuqe mund t’ju ndihmojë të relaksoheni, por nuk do të zvogëlojë simptomat tuaja të alergjisë. Alkooli është një vazodilator, që do të thotë se mund të përkeqësojë rrjedhjen e hundës dhe kongjestionin e hundës. Dhe ndërkohë që të gjitha pijet alkoolike mund t’i përkeqësojnë alergjitë, vera është më e fortë sepse përmban sulfate, të cilat mund të shkaktojnë që disa njerëz të kenë një reaksion alergjik.
Kujdes me lentet e kontaktit
Poleni dhe pluhuri mund të ngjiten në lentet e kontaktit, duke shkaktuar kruajtje në sy. Ndaj nëse vishni lente dhe ju fryhen shpesh sytë, preferoni për pak syzet.
Kujdes nga pishinat
Klori mund të thajë lëkurën tuaj dhe të irritojë rrugët e frymëmarrjes, duke përkeqësuar simptomat e alergjisë si kruajtje, kollë dhe kongjestion nazal. Lajmi i mirë është se mjeku juaj mund t’ju ndihmojë me alergjitë, në mënyrë që të mos hiqni dorë nga noti.
Kujdes nga dekongestantët
Spraji i hundës zakonisht ju ndihmon të merrni frymë më mirë. Por nëse e përdorni tepër, kjo mund t’i përkeqësojë simptomat tuaja në vend që të përmirësojë. Nëse keni kohë që vuani nga alergjitë, atëherë vizitoni alergologun tuaj që t’ju japë trajtimin e duhur.
Top Channel
