Çfarë ka ndodhur me Parashqevi Simakun? Reagon Elton Iliriani: Ata që thanë se do ta ndihmonin, nuk e bënë! 23/12 14:30
Aktorja Lindsay Lohan, reperi Akon dhe këngëtari Ne-Yo janë detyruar të paguajnë dhjetëra mijëra dollarë pasi u akuzuan se ata promovuan investime në kripto tek ndjekësit e tyre në mediat sociale pa bërë të ditur se po paguheshin për ta bërë këtë.
Grupi i të famshmeve, i cili përfshinte gjithashtu reperin Lil Yachty, boksierin Jake Paul dhe aktoren e filmave për të rritur, Michelle Mason, ranë dakord të paguanin më shumë se 325,000 £ (400,000 dollarë) për Komisionin e Sigurimeve dhe Shkëmbimeve të SHBA-së (SEC). Personat e famshëm u paguan për të promovuar kompanitë e kriptos Tronix dhe BitTorrent tek miliona ndjekësit e tyre në mediat sociale.
Dy figura të tjera të famshme, reperi Soulja Boy dhe këngëtari i popit Austin Mahone, nuk arritën marrëveshje me SEC.
Pavarësisht pagesës së gjobave, asnjë nga yjet që atëherë nuk i ka pranuar apo mohuar gjetjet e SEC, sipas Sky News.
Kjo nuk është hera e parë që figura të mëdha publike u panë duke promovuar kriptomonedha tek ndjekësit e tyre në platformën online. Kim Kardashian themeluesja e Skims pagoi një gjobë prej 813,635 £ për akuzat federale që u ngritën për shkak se nuk kishte dëshmuar se po paguhej për reklamat që bënte për promovimin e kriptmonedhave.
Top Channel
