Një 39-vjeçar i identifikuar si Klodian Ndogaj është ndaluar nga Policia e Shkodrës, me qëllim ekstradimin drejt Italisë.
Nga të dhënat paraprake bëhet me dije se Ndogaj ishte i dënuar me 13 vjet e 5 muaj burgim nga drejtësia italiane dhe u arrestua me qëllim ekzekutimin e masës së sigurisë. 39-vjeçari do të mbahet në qeli deri në përfundim të procedurave për ekstradimin e tij drejt shtetit italian.
“Strukturat e DVP Shkodër, në zbatim të vendimit të Gjykatës së Rrethit Gjyqësor Shkodër e cila kishte ndryshuar masën e sigurisë nga “Arrest në shtëpi” në “Arrest në burg”, për një shtetas të dënuar në Itali, kanë ushtruar kontroll në banesën e tij, me qëllim ekzekutimin e masës së sigurisë. Ky shtetas ishte me masë sigurie “Arrest në shtëpi”, në pritje të përfundimit të procedurave për ekstradimin e tij.
39-vjeçari Klodian Ndogaj (Jakini), banues në fshatin Beltojë, Shkodër, nuk është gjetur në banesë, por është kapur dhe ndaluar nga shërbimet e Policisë, në Spitalin Rajonal të Shkodrës.
Gjykata e Shkallës së Parë Shkodër për këtë shtetas ka caktuar masën e sigurisë “Arrest me burg”, deri në perfundim të procedurave për ekstradimin e tij drejt shtetit italian.
Këtë shtetas Gjykata e Astit, Itali, me vendim e datës 23.10.2019, e ka denuar me 13 vjet e 5 muaj burgim, për veprën penale “Shfrytëzimi i prostitucionit”, parashikuar nga Kodi Penal i Italisë”– thuhet në njoftimin e policisë.
Top Channel
