Pas investigimit të emisionit Fiks Fare, ku u tregua me fakte se sa e lehtë është të blesh armë zjarri në Shqipëri ka ardhur dhe reagimi i policisë së Durrësit e cila vuri në pranga 57-vjeçarin Marin Ndreca.
I arrestuari u shiti gazetarëve të Fiksit kundrejt shumës 1 milionë lekëve të vjetra një automatik si dhe fishekët. Shitësi u premtoi se mund ti siguronte fare lehtë edhe pistoletë sipas dëshirës.
Shitësi i prezantuar me emrin e rremë, Marin Prenga siguroi bashkëpunëtoren e fiksit për gjendjen e mirë të armës, ndërsa tregonte se më parë bënte edhe tregti dinamitësh.
Më pas, trafikuesi e dërgoi gazetaren në një hambar bari ku dhe i shiti armën.
Pas blerjes së armës, gazetarët e Fiksit e dorëzuan menjëherë në Komisariatin e Policisë Durrës kundrejt të gjitha procedurave ligjore. Dhe më pas policia kreu arrestimin e shitësit Marin Ndrecës për veprat penale “Mbajtje pa leje dhe prodhimi i armëve, i armëve shpërthyese dhe municionit” dhe “Trafikimi i armëve dhe municionit”.
Top Channel
